فــدوتك شعــري

   الشـــعِر مـــوج ٍ عتـيٍّ والتجــارب مالهـــا اعـــداد

..............والقصايد غبة بحور مااحد يوصل مداها

والسفينـة مالهـا الا قايـد للبـحـر  معـتـاد

.............. قايد وربان بحر خبرته جلجل صداها

ذاك ابوي القرم شيـخ الطيبيـن  ونـد  الانـداد

.....هو سبب رحلة نجاحي .. نور دنياي وضياهـا

ذاك ابوي اللي له الطولات تشهـد لـه والامجـاد

..... و الخلايق تقصده لازاد فـي الدنيـا غثاهـا

عون من جا مستجيـر وفزعـة اللـي جـاه وراد

.....ونفسـه لكـل الخلايـق زايـد والله وفاهـا

ذاك ابوي وعزوتي ...ذخري ولـي عـز  ومسنـاد

....ونفسي احسدها عليه اليـوم يـوم الله عطاهـا

ذاك ابوي اللي بعطفه ضمني فـي قـرب  وابعـاد

.....ودي احضـنه امتنان حيثـه لنفسـي  هناهـا

ذاك ابوي اللي تـرفع عن تفاهـات وعـن  احقـاد

......شامخ جلد صـبور في عنـا  الدنيـا  وبلاهـا

رجـل وكفـو وصـيتـه عـم كـل ديـار وبـلاد

........وبالذكاء نفسه تسامت ياجعل ربـي  يحماهـا

ذاك ابـوي اللي معيشنـي مابيـن افـراح واعيـاد

.....واصعب اللحظات عنده لاكسـا بنتـه شقاهـا

ذاك ابـوي اللي غمرنـي حـب وعطـف وتـوداد

......له يديـن حانيـة ياجعلنـي ماافقـد عطاهـا

العـطا في وسـط كفـه لويشـح الوقـت يـزداد

......ونفسه اللي للمعالـي دايـم تسبـق  خطاهـا

فـــديـــتــك

&&&&

     لايافـديـتـك لا تعـنّيـن مـشـتّاق 

حـنّي علـى قـلـب الهواوي فديـتك

&&&&&
حنّي على قلب ٍ شكى جـور الأشـواق

ولا عـلـى دمـع المـحـاجر شكيتك

&&&&&
ليـتك تحـسّين الـغلا يوم يـنساق

 ليـتك تحـسين بهوى القلب ليـتك

&&&&&
غـلاك فـيني يرسم إحـساس عـشّـاق 

ويـزيد نبـض القلب لا من طريـتك

&&&&&
فيك الطـفوله والبـراءه والأخـلاق 

وفيـك سكـون اللـيل لا مـن سريتك

&&&&&
لو تأمـرين العـين زعـلت الأحداق

ولـو تطلبين الروح مني عـطيـتك

&&&&&
دايـم وحـبك سـاكن وسـط الأعـماق

 وتـنسى عيوني النوم كاني نسـيتك

&&&&&
ما لاق لي غـيرك من الـبيض ما لاق 

 ومـن دون كل الـبيض والله هـويـتك

&&&&&
واليـوم بإسـم الشعر في كـل ميثاق

يافتـنة عيوني تـرى القلب بيتك

&&&&&
وأجمـل قصـيده تنكـتب وسـط الأوراق

عنـوانها يـاروح روحي ( فـــديتك )