Wednesday,Sep 30 2009, 01:17:07 AMOjo dadi ati

Opo kabare kanca-kanca kabeh ? Mugo tansah saras lan bungah. Sawise ba'da lebaran kahanan kaya-kaya sayah tenan bubare peperangan gedhe. Awak rasane lungrah lan semangat rada kendho. Kudune sabubare prei dawa malah sabalike tho? Yo kasunyatane ora kaya ngono. Wis lumrah ora dheweni kok.

Nah ! kanggo nyemangati amrih bisa aktivitas kaya dina-dina wingi, aku goleki cara kepriye bisa smangat maneh. Salah sawiji caraku yaiku nyapa kanca-kanca sing lagi online. Takon kepriye kabare lan kahanane. Miturutku penemuku cara iki sing rada efektif. Bungah rasane wis ngaweruhi kahanan kanca sing padha saras lan bungah kabeh.

Mung ana sawiji kahanan utawa kedadeyan sing ngganggu pemikiranku. Ana sawiji kanca online, karepku mung ameh nyapa wae wong jenenge kanca. Ora ana niyat kanggo ngobrol suwe ya mung takon kahanane dheweke bae. Weh lah gek lagi di click wis langsung offline. Mbok ya'o yen ana chatbox ditanggepi sedhelo, apa karepe ngajak chatting. Yen dheweke lagi sibuk utawa lagi ora bisa diselani karepku mbok yo diwangsuli sing becik, diwangsuli yen dheweke ora bisa diajak chatting. Dadi ora marak'ake pikiran kanggo kanca liyane. Ojo wedi ora gelem dadi kancane maneh. Yen mangsuli kanthi becik mesthi kanca liyane yo bisa paham uga malah hormat marang selirane. Awakku dhewe yo nerapke sing kaya ngono mau. Aku ora lara ati utawa dadi atiku manawa kanca sing ameh diajak chatting ora sempat utawa ora duwe wektu kanggo ngobrol. Jenenge bae kekancan yo kudu padha tepa selira .... bener apa ora ?

37 Views | 2 Comments | Share with Friends | Recommend