Journal
Friday,Oct 9 2009, 05:27:21 AM"April Fool"
Ek din achanak hi
Phone aa gaya us ka
Lehjay ki malamat se
Ho raha tha sub zahir
Ro rahi thi shidat se
Larkharatay lafzon se
Kar rahi thi batain wo
Tum kahan thay itnay din?
Roz phone kerti thi
Baat tum se kerni hai
Jo bohat zaroori hai
Khush nahin hon main bhi kuch
Pyar tera thukra ker
Sara din tarrapti hon
Chain hi nahi milta
Jagti hon shub bher main
Neend hi nahi aati
Jo nahi kaha kal tak
Aaj tum se kehti hoon
Pyar tum se kerti hon
Main nai phir kaha us se
Main na kehta tha tum se
Ek din tu aana hai
Lot ker tumhain wapis
Kaisay tum bina mere
Zindagi guzaro gi
Zinda tu raho gi per
Zindagi na ho gi wo
Ek aik lemhay mein
Yaad meri aaye gi
Doosri taraf se phir
Qehqeha sa aaya ek
Aur wo lagi kehnay
Tum bhi kitnay pagal ho
Jantay nahi itna
Aaj 'first april' hai.............................Pagal