بلاش المناكفة ولايم وعيش         هتتعب معانا وسهمك يطيش

نلفق لاهلك قضية حشيش             وتصبح حكايه ونكتة ومثال

تعالى وهاودنا وعدى الامور            وعيش فى الطراوة وخش الطابور

لكن لو هتزعل ودمك يفور                     هتشهد نهايتك فى بحر الرمال

هنحلف ان الحبايب شافوك                       بتقبض يا خاين وتقتل اخوك

ساعتها مراتك هتلعن ابوك                         وتلطم وتنعى احط الرجال

مالكش انت دعوة باية اللى ضاع            ومين اللى شارى ومين الى باع

ومين الى كيل ومين اللى شال                    فحب الحكومة وحب السلام

وعلم ولادك يشدوا الحزام                   علشان بكرة ياكلوا فراخ او حمام

وينسوا الاسية وينسوا الهزال                 فلازم يا صاحبى تغمض عينيك 

وطنش علينا نطنش عليك                            واياك تشاور لنقطع ايديك